2004-04-15
Und es Gassl draht se derwegn weita
A leidiga Ausflug auf Klognfurt obe
Ols wia, wonn de Sunn vum Himml obagfolln war. Ols wia, wonn da Blitz di straft. Ols wia, wonn da die Festplottn bam Compiuta vareckt. Ols wia, wonn a gonzes Paralleluniversum einstiarzt. Ols wia, wonn se da in Bodn unta de Fiaß und in Sessl untan Oarsch gleichzeitig wegziagn. Ols wia, wonn da vurm obspritzn ausaziagn muaßt. Ols wia, es gonze Leben kan Sinn mehr mocht. Ols wia, wonn da ana mit da Faust auf de Nosn drischt. Ols wia, wonn da die Olte von heint auf murgn auf und davongeaht. Ols wia, wonn da im Erdbodn vasinkn tast. Ols wia, wonn a Messa direkt ins Hearz fohrt.
Es tuat so weah.
Es tuat so weah. In da Valängarung, im letztn Spül. Sudden death. Mir san in plötzlichn Tod gsturbn. Nix Oastern, nix Wiedaauferstehung. Sekundntod.
Oba, liaba Zweita und an blau weißn Schal umen Hols, ols wia zan rotn Elend ghearn.
Obghaklt, murgn wird de Sunn wieda scheinen. Im Hirbest geht’s wieda on, mit da neien Saison. Und mir san wieda ziemle weit vurn dabei, im geilsten Spül da Welt – bam Eishockey. Danke, VSV.
In olle an blauweißn Gruaß
Da Gerbergassla
