2004-05-16

Im Gassl gibts in Grund gschenkt

Da roate Mochtrausch

Des Platzl tat mir taugn

Leitln, Leitln, Leitln. Des hätt i ma in hundat Johr nit tramen lossn, doss i de Rettl Wally amol in an positivn Zusommenhong wär zittiern miassn. Oba, so hirt ma dos ah aufageht, dermol hot sie allanig aufgezagt, welch Geistes Kind unsa Stodtregierung is. Do will da Manze und da Ritschi, mitsomt senara sauban Partie, da Schaumberger Hilde ihra Schwester a 1223 qm groasses Grundstickl schenkn. An und fir sich löblich, wonn de Stadtväter hergehnt und in de Untatanen a bissl unta de Orm greifnt. A bissl bled schaut de Gschicht holt lei aus, wal de Schaumbergerin Finanzstodtrot is und mit da degenen Partie holt in gonzn Tog auf an Packln huckt.

Oba, sogt da Manze, ols holb so wüld, is jo ibahaupt noch nix gschehgn. Des Onliegn hot jo in Gmeinderot noch gor nit passiert. Und aussadem tat des Grundstickl, noch eian redn, kan Schmattes bringen. Lei, do muaß i di zruckpfeifn, lieba Burgamasta. Allan dos es probiert hobs, is a Grund dos aus deina Bagasch ana in Huat nimmb. Wonn nit gor du selba. Oda du schenkst mia ah a Fleckl Grund. I hätt ma schoan ans ausgsuacht. - In Stodtpark.
Wal der bringt ah kan Gwinn nit. Ajo, scheiße, des werd nit gehn. Wal i bin jo mit dir nit vawondt. Und lei dos i dos wär, loss i mi von dir ah nit in Oarsch pudern.


In olle an schean Gruaß

Da Gerbagassla