2004-05-14
Es Gassl und seine Müllionäre
Lebnsgfühl
Beim Schreibtischkramurrn konn monchesmol a Glosse aussaschaugn
Heint sitzt i so do, und sinier, doss ma wieda amol a Glosse aufs wirtuelle Popier bringen miaßt. Holt in da Hauptsoch wegnen Tilo, wal ea goraso benzt und trutzt, und wal holt da Stephan des mit de Glossn goraso wantsch hergrichtet hot.
Nojo, denk i ma, da Lipuschek Fronz war eigentle an onständign wirtuellen Oarschtute wert, mit seina saubledn Tankstelln-Morktfiahra-Boikott-Aktion. Sowos kimmb holt aussa, wonn an Pseudolinkn da Greaßnwahn vegelt. Oba eigentle san ma de Magistratstrottln eh zbled, doss i de Hund noch auf kaernoel.at obfeian tat.
De Mosarin, vunn da Klan Zeitung mit ihra Rettet-des-Verditz-Aktion, war jo ah gor nit schlecht fir an Kommentar geeignet. Oba wonn schoan 9080 Leitln fürs weitare Umbringen von dem Berg untaschriebn homb, und des eh lei a 10 Millionen Eiro kostet, wos wer i dazu noha noch sogn. Außadem heart se bam Schifohrn und bei de poor Kilometa, de wos mia mit unsare Auto fohrnt, a jeds Gredt iban Umweltschutz auf. So schauts aus.
Und justament wia i auf mein Schreibtisch de Untalogn sortier, kimb ma a olta Text vom Pulverer Tom unta de Händ. Des is eigentle a RacknRollsong, oba i stöll in heint auf kärnöl amol ols politisches Statement und ols persönliches Lebnsgfühl von eichan Gerbagassla ob. Da Text hast „Festa Klescha“ und werd im richtign Leben von de Müllionäre vurgetrogn.
–2,3,4 Vollgas
Wos isn schoan dabei, wonn i umasteig im Müll ?
Wos isn schoan dabei, wonn i lei Bledsinn spül ?
Wos isn schoan dabei, wonn i tua wos i wüll ?
Wos ??????
Wos isn schoan dabei, wonn de Wabn umaplärrt ?
Wos isn schoan dabei, wonn ma lei grausiga werd ?
Wos isn schoan dabei, wonn da gor nix mea k:eart ?
Wos ??????
Refrön
Mia is dos sauba wuarscht, wonn i zan Zaun zubespeib.
Mia is dos sauba wuarscht, wonn i durtn liegn bleib.
Mia is dos sauba wuarscht, wonn i mi lei umanondatreib.
Mia wuarscht !!!!!!
Mia is des sauba wuarscht, wonn da Krempl neama geht.
Mia is dos sauba wuarscht, wonn mi kana mea vasteht.
Mia is dos sauba wuarscht, und wonn kana mit mia red.
Mia wuarscht !!!!!!
Refrön
Wos wertn eppa sein, wonn de Wipfl fertig sent ?
Wos wertn eppa sein, wonn ka Tschik mea brennt ?
Wos wertn eppa sein, wonn sich kana mea auskennt ?
Mia wuarscht !!!!!!
Wos wertn eppa sein, wonn i murgn neama bin ?
Wos wertn eppa sein, wohrscheinle bin i hin.
Wos wertn eppa sein, in da Kistn lieg i drin.
Mia wuarscht !!!!!!
Refrön:
Ollas bessa wia a Stan zan Schädl,
ollas bessa wia de Faust im Aug,
ollas bessa wia ka Ban zan Vegln,
wos konn denn i dafir, das mia das so taug,
wal i a festa Klescha bin,
wal i a festa Klescha bin.
In olle an schean Gruaß
Da Gerbagassla
