2003-12-09

Wos a Fuaßbollvarein und es Gassl mitanonda zan tan homb

2 mol Klane Zeitung, 6.12.2003.

Seitn 14: Jörg Haida, Londeshauptmonn und Präsident vom FC Kärntn: „Da Klub kriagt wos ea braucht“.
Gmant seint damit de Bollschiaba vom FCK, de wos wegn senara groaßn Afolge am letztn Plotz in da Tabölln stehnt und dafir vom Treiningsloga in Florenz, bis zu zwa, drei neie Treina und an Spurtdirekta, an Haufn Packln von unsan Londesheiptling untarn Christbam glegt kriagnt. Wal bis hiatzt homb se eh erst 8 (ocht) Mille Eiro, net Schilling, zan vabrotn in Oarsch eine gschobn gkriagt. Haida wertle: „ Geld spielt beim FC Kärntn ka Rolle. Da Klub muaß se hiatzt aufs spurtliche konzentriern, wal sunst is es gach mit meina Lust vurbei.“

Seitn 28, Regionalteil Villach: „Es Lond will noch vül mehr Geld von Villach“
A 700.000.- Eiro warnt noch zan obliefarn, is senan hiatzt untn in Klognfurt eingfolln. Zan vaweigarn oda gor beeinspruchn geaht gor nix. Des werd automatisch obgebuacht. Wohrscheinle soll mas jo direkt noch Waidmonnsdurf obe schicken. Nocha schaugts nit so bled aus, ols wia wonn wieda olls iba de Kostnstell von da Kelag lafn muaß. Und de Stootsonwoltschoft braucht ah nit wieda so bled nochschaugn, wos los is.

So schaugt holt da Jörgl auf olle seine Schofalen. Aufs ane mea, aufs ondare a bissale weniga. Oba so hot de Klane Zeitung auf wenigstens de Möglichkeit mit de Zacha in de Augn, weita fir Kärntna in Noat a bissale a Mudlach zum zsamdaschnorrn und fir de kollektive, vurweihnachtliche Gwissnsbereinigung zum surgn.

Und wonn gor nix hülft, miass ma holt noatfolls olle mitanand Puntsch bis zan umfolln bei de Lions aufn Hauptplotz saufn, doss de Kärntna Londsleit, in de wos es nit goraso guat geht, zu senare Grundrechte kemment.

Anfoch Jörg, anfoch Oarsch.

In olle an schean Gruaß

Da Gerbagassla