2004-10-04

profiterol 2

mia wissma, wos fia enk guat is

"Na, so hom`s daham nit glebt! So a schen`s großes haus, mittn in da stodt. No jo, a bis`l wia a hinastoll is es schon und de kinda, de wüldn kinda!!! De vawendn anfoch de schua füa an fuaßboll, obwohl se e an boll hobn. Dauand moch`n s`wos hin. San a voltn vül. Ba dreißg!!!!! Sicha, se hom holt nua de strossn zam spüln. Hom mia fria a nix ondas ghobt. Oba wan ma bedenkt, doss se daham gor nix ghobt hobn, nua de trimma von am haus, wail de klaschkolikov oda wia de has`n, olls niedagmaht hobn!!!!!. Sicha, umkeman san schon vüle, und zum ess´n hat`s worscheinlich a weniga gebn, oba vahungat san`s nit, sunst warn se jo nit do. Und wia de ludan haklich san! De riechn z`erst am reindling und am mohnstrudl und donn gebn`s ihn wida zruck aufn tella. Na, so wos graußlich`s! Anfoch kane manian hom`s. So schauts aus. Wonn ma erlich san. Nix homs ghobt und jetzan stöllns onsprich, ba uns. Imma hasst`s nua: "I wuil!" Und de vüln kleida! So schene, wia i se goa nit hob, kriagn de von de leit. Jo glabst de neman des wos ena gibst? Na, sölba aussuchn wollns a noch. Und de monda, faule hund san de. Mitt`n am tog und oft nit nua amol, schnacksln und de weiba, a nua im bett umaliegn. De kenntn doch wenigstns mit senare kinda wos schens spüln. De kinda kenan laut sein und umalafn wia s` wolln. Wia ba di wüldn. Ma, sama ealich, unsaana hot des olls, wos ma ealich dawoabn hom, schwa daobeitat, damit unsre kinda späta wos hobn und ma so kultiviat und guat lebn kenna, wia ma tuan. Man, i man, schuld is de katholische kichn, de tuan anfoch nix dafia, doss aus denan christn wean, so wia mia ane san. Donn, donn wean s` schaugn, wenn de iba uns keman wean mit deran islam. Do weama donn a nix mea hobn. Oba nocha weads z`spot sein.
Mia reichts! I foa muagn noch italien. So gsegn, san ma de katzlmocha, mittlaweile ollewal noch liaba als des gsindl! Vastehst?