2006-10-20
Hommage an Tillo
zum 50iger von Hans D. Smolina
Es gibt verschied' ne wicht' ge Sochen
de ham si bis Wien herumgesprochen
zum Beispiel, dass der Smolina
ist worden gestern 50 Jahr
i kenn jo leider ned sei Vita
und nur vom seg' n aus die Zita.
Ob diese liabe Dackelin
schuld is, dass sei Knia is hin
des glaub i ned und ned d' Joana
und a die UIIi sogt do "na!"
vielmehr hat oft so ein Genie ei nfach a
psychosomatisch' s Knie!
Es is sc ho a poar Jahrln her
(mit' n Rechnan tua i mia halt schwer)
aber i schätz, so zweiunddreißig
do woar a junger Mann recht fleißig
hot g' strebert und woar goar ned faul
im Stiftsgymnasium zu St. Paul
und ... da Kustor hot sich ned geniert
wia sei Bua hot maturiert.
Er hot durt glernt a recht vül Sochen
ned oills zwar I aber do kannst holt nix mochen!
Er und die anderen Eleven
ham nix erfohrn vom Bentham seinem Häfen.
Dortselbst, also im Lavanttal
do hot er kürzlich no amol
sei Biachl vorg' stellt, namens "Brugga"!
Dass des da Nam woar - jetzt werd' s schlucka -
von St. Paul, friara und in' d Nazizeit
hob i erfahren, ... na des führt zu weit.
"Brugga" - a Bauwerk, des do sullt vabindn
de harübern mit ... de von drintn
üwa die Lavant geht a Brugga
auwa ihr kennst jo üweroll hin gucka
Donau, Drau oder die Lieser
(de Brugg is schief jetzt, wia da Turm von Pisa)
mi ham die Leit ja ned gefragt
warum die Lieser-Brugg jetzt Wellen schlagt.
de schwaren Brummis, de do plettern
(Die Fächterlobby wird glei wettern)
de oan führn owi vüle Güter
damits d' aundern auffaholen wieda
so kumman d' Mango und Basmati-Reis
und a der ganze andere Scheiß
in Europa umadum.
Mia is des alles vül zu dumm
i kaf mia ned den ganzen Scheiß
und friss holt Erdäpfl ... und Paradeis,
Jetzt hob i mi a wenig verbreitert
- jedenfalls g' hert die EU erweitert
es g' hört vül mehr no globalisiert
und des Glumpat hin und hergeführt.
Jetzt hätt i in meiner EU-Begeisterung
fost vagessn: Da Tillo ist 50 Jahre jung.
Ia werds Euch alle kennan denkan
dass i nix hob dabei, zum Schenken
Auwa i glaub es gibt heit no
a klane Überraschung, anfach so
Von da
Karin, Helen und Maria
Josip, Gert und Erika
Haida Hans und vom Schütz Walter
und Gunther und der Acica
von mir kriagst diesen Zettel
do verwendbar eventuell am Klo
i sog ned nur dem StefanJ ank
auch allen Kernölern und -innen Dank
dass i bei eich hob lesen können
und wünsch an Abend no an schönen
Tilo, wann es hot dir gfollen
und den anderen a allen
dann stell i des ins Internet
auf' d Kernölseitn, wann es geht
und moch no glei a wenig PR
für www.tschif.at.nr
mir wern no trinken Bier, a poar
und´n Tillo wünsch ma für´d nextn 50 Johr
ois Guate … und isog no als Christ
Tillo, bitte bleib wiast bist!
© tschif
19. Okt. 2006