2012-01-28

Am Krankenbett

Reihe: Dialoge, wie sie nur das Leben schreibt

.

Ja bist deppert. Seavus alle zom. Ma soviel Leit auf amol.

Franzi tua die Hoar ausn Gsicht, na i kennt des nit habn. Wia geht`s da in da Schul?

Zwa Drittel san negativ, i hob an Dreier.

I scheiß mi on.

Ma gonz schwoaze Hoar hot des Dirndle. Gonz de Sara, wia se so klan wor.

Wonn i nur gehn kennt. Der große Zachnt is gonz schwoaz.

Ziag die Hosn hintn auffe, Franzi. Wiast ausschaust. Opa gib eam jo kan Kaffee.

Vielleicht miaßn se mia den obnehman.

G'holst habn se mi, jo die Jackline is sehr kontaktfreudig, und braun san se, jo da Alfred wird so schnell braun.

Gehst schon allan aufs Klo?

Ma jetz bin i Urli und des mit sechzig! und der Opa is Uropa wordn. Drei Kilo und nowos hot se.

An Sekt hob ma getrunkn und donn die gonze Nocht durchgmocht.

Jo, Mario jetz bist Onkel wurdn. Nanana. Wia de Zeit vageht. Dos Dirndle gheart gfeiert und zwor ganz gewoltig. Is jo wohl recht.

Vota, ols erste geh i eine. So a Freid.

Es hot so viele Entbindungen gebn.

Her auf!

Jo, Wetterumschwung! Vollmond is a!

So an Hunga hots! – Bist deppert! Is eh gonz klor!

Gib ma a kolts Wossa! Jetz is des a vorbei. Des mocht die Runde. Jetz wissnd eh olle Bescheid. So geht des.

Na so was, die Silvie. Na, kane Blumen! Lafts mit an nockerten Bauch uma.

Ma Oma, mia hobn a Äktschn ghobt. Umgfalln is a, nocha hobn ma die Rettung gholt. Heite san se schon wieda aufn Kirchtog.

Varruckts Volk! Ma so liab is se, gonz schwoaze Hoar hat se!

Tuttnzua wor er!

Vierzg Stundnwochn! Konn ma abo die orbeit einteiln. I loß mi hechstens auf tausendzwahundert obadruckn. Ich putz doch net für nix. Sprit und alles muaß i zohln. Dekoriern tua i a. A Dekoratea is sauteier. Alles moch i, a des, Bau übergeben, is ka malleur, werd oba hintn und vurn nit mit da zeit zrecht kemman. Der nutzt olle voll aus bein Lohn. So a Lotta gg